Partidaren alde positibo bakarrak izan dira, alde batetik, Urtzi Iturrioz atezaina zelairatu dela, denboraldi osoan lesionatuta ibili ostean; eta, beste aldetik, zale leioaztarrek eta sestaotarrek Ainize neskato gaixoagaz erakutsitako elkartasun eta babesa. Hiru urteko haur ortuellarrak ohorezko sakea atera du partida hasi aurretik, Bizkaiko eta Arabako kluben jokalariek egin dioten korridoretik pasatu ondoren. Diru-bilketa ere egin dute, hiru burmuin-ebakuntza pairatu duen umearen sendia laguntzeko.
Sestao Riverrek 1-0 irabazi du gaur Las Llanas futbol zelaian jokatutako itsasadarreko derbia. Garaipenaren gola Canariok sartu du, 29. minutuan. Sestaoko jokalaria baloia jaso du Gago taldekidearengandik, jokoz kanpo egon dena, baina epaileak onartu du gola eta, horren ondorioz, Leioaren egoera sailkapenean gehiago okertu da. Gainera, Guemes eta Picon lesionatu dira.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun