Leioa kale-arteen plaza nagusi bihurtuko da bihartik domekara arte; 50 konpainiek 21 estreinaldi eta 125 emanaldi baino gehiago eskainiko dituzte. Biharko estreinaldien artean azpimarratzekoa da Deabru Beltzak taldearena. "Su a Feu" piroteknia eta su-ikuskizuna estreinatuko du konpainiak, bere 20. urteurrena ospatzeko. Umore Azoka dela eta, hainbat trafiko-aldaketa aurreikusi ditu Udalak.
Les Goulus talde frantses entzutetsuak ere lehenengoz erakutsiko du algara eragingo duen "zaldi-ikuskizun" berezia. Lehen aldiz, gainera, Akitania-Euskadi II. Topaketa egingo da bihar, Leioan, Etxepare Institutuak, EKE-k eta Euroerregioak sustatuta. Eta 200 profesional elkartuko dira Umore Azokan, horien artean Frantzia eta Koreako programatzaileak.
Informazio gehiago: www.umoreazoka.org
2016 mai 16 Leioa
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!