Lehen, gobernu-taldean dauden alderdiek 4 liberatu zituzten, eta oposizioko taldeek bat ere ez. "Onartu berri den tokiko administrazioaren euskal legeak oposizioko lehenengo alderdiari liberatu bat edukitzeko aukera ematen dio; baina, gainontzekoentzat, ez du ezer bermatzen", Belandiak azaldu duenez. Leioaren kasuan, Esnatu Leioa da oposizioko lehenengo alderdia. "Aztertu beharko dugu aukera horregaz zer egin. Gure ustez, alderdi guztiek eduki beharko genituzke gutxieneko baliabideak udaletxean lan egin ahal izateko", gaineratu du zinegotziak.
Horrez gainera, gobernu-taldekoei ordaintzen zaizkien soldatak "gehiegizkoak" direla uste du Esnatu Leioak; Belandiaren berbetan, "%15ko beherapena eskatu genuen duela urtebete, udaletxea eratu zenean".
