Anartz Zuazuak zuzentzen duen lanak gure planeta jagoteko aldarrikapena plazaratu gura du; eta hori helburu agerlekura igoko dira Borobil antzerki-taldea osatzen duten hurrengo aktoreak: Asier Sota, Imanol Espinazo, Julen Vega eta Hanna Berry. "Itsas-hondora, oihanera... eroaten gaituzten keinuak, mugimenduak, umorea eta plastikotasuna uztartzen ditu antzezlanak; horrez gainera, irudi ederrak eta mezu sakona dauzka", konpainiakoek azaldu dutenez.
Txikientzat zein handientzat eginda dago "Gu"; izan ere, Borobil taldeko arduradunek nabarmendu dutenez, "umorea erabiliz, familia osoarentzako antzerkia egitea" da euren helburua. Hala, aktoreek garrantzi handia dute: "attrezzo-elementu gutxi erabiliz, ikusleek eszenario ezberdinetara bidaiatzea lor dezakete", aipatu dutenez. Zineman eta telebistan esperientzia handia dute Borobileko kideek.