Ekintzaren egileek "barkamena" eskatu diete kalteren bat jaso duten langileei eta ikasleei

"Ikasle borrokaz, geurea eraiki" goiburupean, manifestazioa egin zuten azaroaren 24an ehunaka ikaslek.

Atzo Gizarte eta Komunikazioa Zientzien Fakultatean gertatutakoari buruzko ohar bat jaso du Leioatik! Leioako campuseko ikasle-proiektu komunikatiboak. Bertan aipatzen denez, "petardo bat eta ke-pote bat" baino ez zituzten bota; "izan ere, suaren alarmak aktibatzea zen helburua, ikasleen atentzioa deitu eta martxoaren 23ko greba-deialdia zabaltzeko". Gaineratu dutenez, "ekimenak ez zuen pertsonen aurka egiteko inolako helbururik". Hala, "elkartasuna" adierazi eta "barkamena" eskatu diete kalteren bat jaso duten langileei eta ikasleei.

"Biolentzia eguneroko desjabetuok, zapalduok, jasaten dugun errealitate itogarria da", atzoko ekintzaren egileek adierazi dutenez. Testuinguru horretan kokatu dituzte "matrikula itogarriak, klaseetan jasan beharreko eduki zapaltzailea, unibertsitatera ailegatzeko garraioa zein etxebizitza-alokairua ordaintzeko ezintasuna...". Horren guztiaren erantzule egin dute Euskal Herriko Unibertsitatea: euren berbetan, "aurrera eramandako ekimena sinbolikoa izan zen. EHU kapitalismoaren sostengurako eta erreprodukziorako instituzioa denez, errefusatu egiten dugu; eta horregatik burutu dugu ekimena dekanotzan, aparatu burokratiko honen beste atal bat den dekanotzat, hain zuzen ere".

Amaitzeko, gaur EHUk deitutako kontzentrazioa ez babestera deitu dituzte unibertsitateko langileak eta ikasleak, "burgesiaren mesedetara dihardutenen elkarretaratzea" delako. Ildo berean, martxoaren 23an, "ikasle zapalduon alde kaleak hartzera" deitu dituzte. Azken egun horretarako greba deialdia egin du Ikasle Abertzaleak (IA) antolakundeak.

Erlazionatuak

Leioako campusean gailu su-eragile bategaz egindako erasoa gaitzesteko elkarretaratzea egingo dute gaur

Leioa

Euskal Herriko Unibertsitateak (EHU) agiri baten bitartez azaldu duenez, ezezagun batzuek Gizarte eta Komunikazioa Zientzien Fakultateko dekanotzar...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun