Ikasle-mugimenduak salatu duenez, "Arte Ederretan eta Bilboko Iturribide kalean emakumeak erasotu izanagatik ezaguna da duela hiru urte gradua ikasten hasi zenetik", maiatzaren 26an Ertzaintzak atxilotutako ikaslea. Erasoa jasan dutenei elkartasuna eta halako erasorik ez dutela onartzen adierazteko elkarretaratzea egin zuten atzo, Leioako campuseko Mikel Laboa plazan: "Ikasleok unibertsitate feminista bat gura dugu eta harengatik borrokatuko dugu. Erasotzaile, aurrean izango gaituzu". Bitartean, Euskal Herriko Unibertsitateak diziplinazko espedientea ireki dio ikasleari; EHUko edozein campusera sartzea debekatu diote.
Ikasle-mugimenduak salatu duenez, ez da kasu bakar bat: "Hiru urtetan zehar inpunitate osoz emakumeak erasotzen ibili da, EHUko eraso sexisten aurkako prebentzio-protokoloak alferrikakoak direla erakutsiz". Horren aurrean, erasoa jasan duten neskek salaketa ipini eta ikasle-mugimenduagaz ipini dira harremanetan. Salaketei bide emanez, Ertzaintzak atxilotu zuen erasotzailea, eta Deustuko polizia etxera eraman zuen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
