Ugartek gogoratutakoaren arabera, idatziz erantzuteko galdera egin zion Eusko Jaurlaritzari, gai honen inguruan: "gaur egun, lan horiek egiteko aurrekontu-partidarik ez" dagoela esan omen zioten. Arantza Tapia sailburuak, ostera, "Leioako Udalagaz elkarlanean" dabiltzala adierazi zuen. EH Bilduko legebiltzarkidearen ustez, "ematen du ez dutela ezelako erabakirik hartu gura". Ugarteren berbetan, "Eusko Jaurlaritzak ezin du ezertxori ere ez erantzuteko jarrera hartu; proiektu honen bideragarritasuna eta egokitasuna berraztertu beharko lukete".
Leioako tranbia atzeratzeko eskatu du EH Bilduk Eusko Legebiltzarrean
Legez besteko proposamen baten bitartez, Leioan tranbiako proiektua atzeratzea eskatu du Larraitz Ugarte eusko legebiltzarkideak. Bere berbetan, "aurretik, denboraz eta seriotasunez aztertu beharko lirateke egon daitezkeen alternatibak eta horiek herritarrengan daukien eragina, beti ere udalerriaren beharrizanak kontuan hartuz". EH Bilduren proposamena Ekonomiaren Garapen eta Azpiegitura Batzordean eztabaidatuko dute, horrela erabakitzen duten egunean.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun