Urbietaren berbetan, momentu honetan, garraiobide hori abian ipintzeko proiektuari "azken ukituak ematen" dabil Leioako Udala, Eusko Jaurlaritzagaz. Hala ere, Sabino Arana kaleko auzokideakaz eta merkatariakaz izandako batzarretan, horietako askok tranbia "mehatxutzat" jotzen dutela esan du alkateak. "Kale hori oinezkoentzat izan beharko litzatekeela argi daukagu Udaleko alderdi politiko gehienok; hori horrela izanda, tranbiak segurtasun-arazoak ekarriko lituzkeela uste dute leioaztar askok. Gainera, kalea aisialdiaz gozatzeko aprobetxatu beharko litzatekeela uste dute bizilagunek eta saltzaileek", azaldu du agintariak. Urbietaren arabera, "horrek denak gelditzera behartu gaitu, jendeari egitasmoa kaltegarria ez dela ikustarazten saiatzeko edo beste aukera batzuk aztertzeko".
Urteak daroatza proiektuak mahaigainean; hala ere, Eusko Jaurlaritzak 2016ko maiatzaren 31n eman zion oniritzia ETS Euskal Trenbide Sarearen eta Leioako Udalaren arteko elkarlanari; Sabino Arana kalea konpondu ostean, tranbia ipintzeko lanak egiteko. Baina, "bizilagunen aurkako iritziaren ostean", garraiobide hori alde batera utzi eta egon daitezkeen beste aukerei buruz "hausnarketa egiteko" prest agertu da Urbieta.
_tokikom_735x413.jpg)