San Juan jaietako aurretiko festa-ekitaldietan murgilduta dago Leioa. Denentzako jarduera eta giroa dago, neska-mutilentzat izan ezik. Hainbeste maite dituzten barrakak ez daude martxan. “Leioako Udalak ezin izan du barraken irekiera baimendu, aurkeztutako eskabideak ez dituelako onartutako oinarrietan finkatzen diren neurriak betetzen”, azaldu du Udalak.
Udalak “neurri gogor” hori “hartu behar izan du segurtasunagatik eta erantzukizunagatik”, udaletxetik zabaldu dutenez. Nabarmendu dutenez, ipinitako barrakek “ez dute kontrol teknikoen baimena lortu oinarrietan finkatutako neurriak baino handiagoak direlako”.
Hala, Udalak ferianteen elkartearen esku utzi du neurri fisikoak eta segurtasun neurriak beteko dituzten barrakak ezartzea, udal-baimena jaso dezaten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
_tokikom_735x413.jpg)