Atzo izandako kontzetrazioetan EHUn lau urtean gertatu den bigarren heriotza salatu eta "langileek lan egiteagatik haien bizitza arriskuan ez ipintzeko daukaten eskubidea berma diezaiela" eskatu zioten EHUko Zuzendaritzari. Modu berean, ordutik hona ez dutela Osalanek egin behar duen ikerketaren berri izan ere adierazi zuten LAB, Steilas, CCOO, UGT eta ELA sindikatuetako ordezkariek. Unibertsitateak, istripua izan zen emergentziazko atetik ikastegira sartzeko baimenak bertan behera utzi izanaz gainera, bestelako neurri prebentiborik edota zuzentzailerik hartu ote duen argitu ez izana ere salatu zuten bertaratutako langileek.
Leioako campusean 70 langile inguruk parte hartu zuten atzo sindikatuek deitutako kontzentrazioan, Leihoa.info agerkariak jakinarazi duenez. Hilabete eta erdia koman egon ostean, bariku arrastian zendu zen Bilboko Ingeniaritza Eskolako langile bat; lantokian izan zuen istripua, maiatzaren 21ean.
Erlazionatuak
Lankide baten heriotza salatuko dute gaur EHUn
2018 uzt 10 EHU
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun