Hurrengo udal-hauteskundeei begira, zerrenda anitz eta zabala osatzeko borondatea adierazi du Leioako EH Bilduk. Hala, 2011tik zinegotzia den Jokin Ugarte Egurrola irakaslea aukeratu dute zerrendaburua izateko. "Bere esperientzia eta gure herri-proiektuarekiko daukan konpromisoa ezinbestekoak izango dira", adierazi dute ezkertiarrek.
Leioako EH Bildu "Leioa berria, herri bizia" eraikitzen segitu gura du hurrengo agintaldian, oposizio eraikitzailearen bitartez Leioa egunez egun eraldatzeko, beti ere argi izanik zein den euren izaera: "Hanka bat Udalean, hamaika hanka kalean".
Jokin Ugartek magisteritza musikala ikasi zuen EHUn eta musikako gradu profesionala Leioako musika-eskolan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!