Abian da autobus-zerbitzu berria Leioan: Lejoan Busa. Udalak iragarri du lehenengo asteetan zerbitzua doakoa izango dela. "Proba-egunak" igaro ondoren joanaldiko txartelak euro bat balioko du eta Barik diru-txartelagaz ordainduz gero, 0,65 euro.
“Hasierako eskaintzan aurreikusita ez ziren hobekuntzak” gehitu dituela adierazi du Udalak: “Alde batetik, asteburuetako gaueko ibilbidea, hau da, gautxoria. Bestetik, maiztasuna: lehenengo linean 20 minutura jaitsi da, gainontzeko lineatan maiztasuna 30 minutukoa izanik”.
Gainera, mugikorretarako aplikazioa erabilgarri izango da ere gaurtik aurrera, autobusa unean-unean non dagoen eta geltoki bakoitzera zenbat minutuan ailegatuko den ohartaraziko die aplikazioak erabiltzailei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
