Esnatu Leioak eta Irabazik akordioa egin dute, eta maiatzaren 26ko udal-hauteskundeetan batera aurkeztuko direla iragarri dute. Manuela Martin eta Loli Lozano zinegotziak izateko hautagaiak, Eukene Arana Elkarrekin Podemosen legebiltzarkidea eta Roberto Uriarte Kongresurako Bizkaiko zerrendaburua bertaratu ziren zapatuko ekitaldira, besteak beste.
Lau urte hauetan herritarren “benetako beharrizanak” asetzeko proposamenak egin dituztela adierazi du Vicentek: “Gobernu-taldeak atzera bota zituen guk proposatutakoak, baina kasu askotan, aplikatu diren neurriak izan dira”. Besteak beste, UDA programa bidez familiei opor garaian diru-laguntzak ematea, udalerriko autobus-sarea indartzea edo eskola-materiala erosteko diru-laguntzak areagotzea Esnatu Leioak “jokatu duen rolaren emaitza” direla azaldu du alkategaiak.
Bestalde, Roberto Uriarte Kongresurako Bizkaiko zerrendaburuak hauteskunde orokorretan Unidas Podemos bozkatzeko deia egin du. Vox-ekiko beldurra “puzten” ari dela azaldu du: “Beldur handiagoa diot Albert Rivera Pedro Sanchezen presidenteordea izateko aukerari”. Gutxi batzuen agindutan gobernatuko luketela eta Ibex 35-aren aldeko politikak bermatuko lituzketela adierazi du Uriartek.