Gutxienez martxoaren 23ra arte egongo da itxita Leioako Errekaldeko Nagusien Etxea, bertako erabiltzaile batek koronabirusaren azterketan positibo eman ostean Udalak hala aginduta. Egoitza garbitu dute, gainera. 3.000 erabiltzaile ditu Errekaldeko Nagusien Etxeak.
Momentuz, ez dira udalerriko gainerako nagusien etxeak (Pinueta, Txorierri eta Lamiako) itxiko, baina Udalak gomendioa egin du horien erabiltzaileek Osakidetzaren aholkuak zorrotz betetzeko, eta bertan behera utzi ditu egoitza horietan aurreikusitako talde-jarduerak.
Horrez gainera, kirol-ekitaldiak ateak itxita egingo dira momentuz udalerri osoan, kontrakoa erabaki arte.
2020 mar 05
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
