Koronabirusa Uribe Kostan

"Azken unera arte" ahaleginduko da Leioako Udala Umore Azokaren datei eusten

Aurreko edizio bateko argazkia. © UMORE AZOKA

Mundu osoko 500 proposamen baino gehiago aztertu eta gero, hurrengo edizioan parte hartuko duten 43 konpainiak daborduko aukeratu dituztela iragarri dute Leioako Umore Azokaren antolatzaileek. "Koronabirusaren krisiak zalantzan eragin badu ere, azken unera arte saiatu behar dugu Azoka egin dadin, udalerrian eta arte eszenikoen sektorean duen inpaktu positiboa dela eta", adierazi dute, eta sektore horri hain zuzen, gaur egungo egoerak kalte handia eragiten diola gogorarazi dute. Printzipioz, maiatzaren 14tik 17ra bitartean egitekoa da jaialdia.

Jaialdiaren Batzorde Artistikoak Euskal Herriko hogei konpainia, Espainiako Estatuko hamazortzi eta beste herrialdeetako bost aukeratu ditu 2020ko Leioako Umore Azokan parte hartzeko. Azken horiek Kenyatik, Ukrainatik, Japoniatik eta Frantziako Estatutik (2) etorriko dira Leioara.    

Emaitza "programa ikusgarri, original eta askotarikoa" da, antolatzaileen esanetan.  Denera, 115  emanaldi eskainiko dituzte 43 konpainia horiek, lau egunean. Horietako asko estreinaldiak izango direla nabarmendu dute, gainera. Zehazki, hogei estreinaldi absolutu egingo dira, eta Espainiako Estatu mailako beste lau.

Erlazionatuak

Mundu osoko 540 proposamen jaso ditu Umore Azokak

Leioa

Maiatzaren 14tik 17ra egingo da aurtengo Leioako Umore Azoka. Hain zuzen ere, 31. edizioa beteko du jaialdi ezagunak, eta antolatzaileek 540 propos...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun