Koronabirusa Uribe Kostan

Leioako Udalak hiru maskara emango dizkio herritar bakoitzari

Leioaztar bakoitzari KN95 motako hiru maskara bidaliko diote, doan, "kalera irtetean segurtasuna bermatzeko". Udalak jakinarazi du OMEk gomendatutako maskara horien sail handi bat erostea erabaki duela, eta herritarrei hiruna emateaz gain sorta bat gordeko dutela "udaleko lantaldeen beharrak asetzeko". Banaketa hogei egun barru inguru hasiko dela iragarri dute, maskarak orduan jasotzea aurreikusten baitute.

Zehaztu dutenez, banatuko diren maskarak KN95 motakoak dira, eta FFP2 modura sailkatuta daude. Berba lauakaz esanda, kanpoko airea iragazten dute, partikulak, bakterioak eta birusak atxikiz, "%95eko eraginkortasunagaz". Erabiltzen dutenek gainerako pertsonak kutsatzea eragozteko ere balio dute.

Etxez etxe banatuko dira maskarak, erabiltzeko eta ondo desinfektatzeko argibideakaz batera, Udalean jaso bezain laster. Horretarako hogei egun inguru itxaron beharko dela adierazi dute. Bestalde, umeentzako maskara bereziak lortu guran dabiltzala azaldu dute udal-iturriek, "baina horiek eskuratzea ez da hain erraza". 

Erlazionatuak

Zeren arabera ezartzen da babeserako distantzia soziala?

Uribe Kosta

Elkarrengandik behar bezalako distantziara egotearen garrantzia ehunka aldiz aipatu, irakurri eta aditu dugu asteotan. Baina zein distantzia da hor...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun