Apiril erdian iragarritako maskara-banaketa egiten hasiko da gaur Leioako Udala. Udal-webgunean azaldu dutenez, "banaketa egun batzuk atzeratu da, Udala haurrentzako sorta berezi bat lortzen saiatu delako, baina azkenean ez da posible izan, eta txikiek hiru maskara jasoko dituzte helduek bezala". FFP2 motakoak dira banatuko diren maskarak.
Banaketa zelan egingo duten zehaztu dute: "Bizilagunen komunitate askotan, presidenteak arduratuko dira etxe bakoitzeko ateetan uzteaz, eta, beste kasu batzuetan, Enviser enpresaren eta zenbait finka-administratzaileren laguntza izango dute". Gainera, hainbat herritar ere prest agertu dira maskarak banatzen laguntzeko.
Maskarakaz batera, haiek ondo erabiltzeko argibideak eta higiene-aholkuak dituen liburuxkak bere emango zaie leioaztarrei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
