Saio hauek eskainiko dituzte: erlaxazio-tailer bi, ekaineko eguen guztietan (11:00etatik 12:00etara eta 17:00etatik 18:00etara). Ekainaren 15ean eta 16an, 17:00etan, tailer bat egingo da etxean mendekotasuna duten senideak suspertzeko moduaz. Azkenik, COVID-19aren garaiko dueluen eta galeren gaineko mintegi bat egingo da, hilaren 29an, hori ere 17:00etan.
Udalak azpimarratu du saioak oso eskuragarriak izango direla, eta edonork jarraitu ahal izango dituela ordenagailua eduki barik edo informatikaz jakin barik. "Internet duen mugikorra behar da,, besterik gabe". Informazio gehiago eskatu gura duenak 649 529 874 telefono-zenbakira dei dezake.
Iaz Leioako 263 herritarri eman zien laguntza Zainduz programak.