Urtero Mugikortasunaren Astean egiten den Oinezkoen Pausora herritarren ibilaldia oso bestelakoa izango da 2020an, ageriko arrazoiak direla eta. Bihar (irailak 19) egingo da hamaseigarren edizioa, baina oraingoan, ehunka lagun elkartu beharrean, banaka edo talde txikietan oinez ibiltzera irtetera deitu du Leioako Udalak. Aldi berean, aztarna-joko bat proposatuko dute.
Hasiera-ordua ez da aldatuko: 11:00etan hasiko da erronka, baina aurten nor bere etxetik abiatuko da. Taldetxo bakoitzak telefono mugikor bat beharko du gutxienez, WhatsApp bidez jokoan parte hartzeko. Horren bidez ailegatuko dira aztarnak, lehenengoa 11:00etan bertan. Xehetasun gehiago topatuko duzue esteka honetan, baita jokatzeko beharrezkoa den QR kodea ere.
Aztarna gehiago gura izanez gero, edota gainerako taldeak zelan dabiltzan jakin gura izanez gero, ordu horietan zuzeneko emanaldia egingo duen Herrigune Irrati Birikoa entzun ahal izango dute parte-hartzaileek. Norberaren taldearen martxaz galdetzeko ere irratira deitzeko aukera egongo da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
