Sexu-abusuengatik zigortutako Gazteluetako irakaslea espetxera ez joatea erabaki du Bizkaiko Auzitegiak

Jose Maria Martinez Sanzek, ikasle bati luzaroan sexu-abusuak egiteagatik zigortutako Gaztelueta ikastetxeko irakasle ohiak, ez du espetxera joan beharko, Bizkaiko Auzitegiak gaur hartutako erabakiaren arabera. Irailean, Espainiako Auzitegi Gorenak hamaika urtetik bi urtera jaitsi zion zigorra Martinezi, eta hala, bidea zabaldu zuen irakasleak kartzela saihesteko. 

Biktimaren familiak epaileen erabakia deitoratu du, zabaltzen duen "inpunitate-mezua" dela eta. Auzitegiak, berriz, uste du ez dagoela arriskurik Jose Maria Martinezek, zigortuak, delitu gehiagorik egiteko. Bestalde, beraren abokatuak, Eduardo Ruiz de Erenchunek, iragarri du ahalegindu egingo dela haren aldeko epaia lortzen, eta horretarako Espainiako Konstituzio Auzitegira joko duela. 

Ruiz de Erenchunek eskatu du bere bezeroari pasaportea itzul diezaiotela. Gertakariak ezagutu eta gutxira atzerrira ihes egin zuen Martinezek, eta horrenbestez, momentuz debekatuta dauka atzerrira bidaiatzea.

Erlazionatuak

Gazteluetako abusuengatik zigortutako irakasleak espetxea saihestu dezake: hamaikatik bi urtera jaitsi dio zigorra Auzitegi Gorenak

Leioa

Espainiako Auzitegi Gorenak aintzat hartu du Jose Maria Martinez Sanz Gazteluetako irakaslearen defentsak aurkeztutako helegitea, eta nabarmen murr...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun