Kurkudi mendiari babesa kentzeko urratsak egiten segitzea leporatu die EH Bilduk gobernu-taldeko alderdiei

Argazkia: HODEI TORRES

Leioako EH Bilduk balorazioa plazaratu du joan den astelehenean Leioako Plangintza Aholku Batzordeak egindako saioaz. Koalizioaren iritziz, "EAJk eta PSEk defendatzen duten birsailkatzeak behar duen interes publikoa justifikatu gabe jarraitzen du". Bestalde, Kontseiluaren beraren osaketa irizpide gardenagoakaz erabaki behar dela adierazi dute.

EH Bilduk uste du Plangintza Aholku Batzordeak ez zukeela bozkatu behar HAPOa aldatzearen alde, "kiroldegi pribatuaren proiektuari hasierako onarpena eman zitzaionean Leioako HAPOa iraungita zegoelako". "Zalantzan jarri genuen kiroldegiaren kokapena, eta hirigunean egitea defendatu genuen; horrela, etorkizuneko erabiltzaileek tokiko merkataritzan kontsumitzea sustatu genuen, Artean kontsumitu beharrean". Bestalde, esan zuten Kurkudi mendiko komentu zaharrean kiroldegia egiteak trafikoa handitzea eta balio handiko nekazaritzako lurrak handitzea ekarriko duela eta.

Plazaratutako idazkian, EH Bilduk PSEri galdetu dio "benetan konprometituta dagoen hauteskunde-programan aldarrikatzen zituen hirigintza jasangarriaren balioekin". Hala, Kurkudiko urbanizatze-proiektuarekiko hasieran izandako zalantzak "agintaldi honetako gobernu-akordioa sinatu ondoren desagertu zirela" dio EH Bilduk.

Azkenik, kritikatu egin dute batzordean dauden zenbait talderi berandu bidali zitzaiela dokumentazioa, joan den asteleheneko bilerari begira. Izan ere, azaldu dute bozketan abstenitu ziren lau elkarteek lau egun lehenago jaso zutela dokumentazio hori, eta behar bezala aztertzeko denbora faltagatik erabaki zutela abstenitzea.   

Erlazionatuak

Aurrera doa Leioako domingotarren komentu zaharrean kiroldegia egiteko proiektua, udal-gobernuko taldeen babesagaz

Leioa

Astelehenean egindako batzarrean, Leioako Plangintza Aholku Batzordeak HAPOan aldaketa egitea onartu zuen behin-behinean, Kurkudi mendian dagoen mo...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun