Umore Azokaren XXI. edizioa irailera atzeratu dute

Dikhotomia taldea, aurreko edizio batean. © UMORE AZOKA

Osasun-egoeraren ondorioz, irailaren 16, 17, 18 eta 19an egingo dute aurtengo Leioako Umore Azoka. Guztira, 38 konpainiak parte hartuko dute Kale Artisten Azokaren XXI. aldian.

Iaz bertan behera gelditu ondoren, aurten Umorezko Azoka - Kale Artisten Azokaren XXI. edizioa irailera atzeratzea erabaki du Leioako Udalak; hilabete horretako 16tik 19ra, hain zuzen ere. Udal-iturriek aitortu dute osasun-egoerak baldintzatutako erabakia dela, eta maiatzean egin ohi den hitzordua atzeratzearen helburua dela publikoaren eta profesionalen segurtasuna bermatzea.

Aurtengo Umore Azokan 38 konpainia egongo dira: 20 Euskal Herrikoak izango dira, 12 Estatuko toki ezberdinetakoak eta gainontzeko seiak nazioartekoak.

Leioako Udaleko Kultura Sailak adierazi du erabakia "zaila" izan dela, baina "zuzena" dela deritzote. Azaldu dute maiatzaren hasiera hurbilegi dagoela azoka osasun-berme guztiakaz egin ahal izateko, eta sektoreko profesionalakaz, konpainiakaz eta artistakaz baloratu ondoren, Umore Azoka irailean egitea erabaki dute.

Erlazionatuak

Aurtengo Umore Azoka, bertan behera

Leioa

Azken momentura arte bideak bilatzen saiatu arren, 2020an Umore Azokarik ez egitea erabaki du Leioako Udalak, osasun-krisia dela eta. "Erabaki gogo...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun