Fidias Fundazioak eta IMQ Igurcok elkarlanerako hitzarmena sinatu dute

Fidias Fundazioak gazte, nerabe eta pertsona nagusien gizarteratzean egiten du lan. © FIDIAS FUNDAZIOA

Fidias Fundazioak eta IMQ Igurco Estartetxe Leioak elkarregaz garatzen duten lana indartzeko hitzarmena sinatu berri dute. Bien artean garatzen dituzte gazte, nerabe eta adineko pertsonakaz belaunaldiarteko eta gizarteratzeko jarduerak.

Arteen bidez gizarteratzeko eta pertsonen garapenerako Fidias fundazioak eta IMQ Igurco Estartetxe Leioa –Bizkaiko Foru Aldundiko gizarte-azpiegituren sareko zentroa– adinekoen zentroak lankidetza-hitzarmena sinatu dute. Horren helburua da sortze- eta arte-jardueren bitartez, gizarte-inklusioko eta belaunaldien arteko jarduerak egiten jarraitzea, pertsonen bizi-kalitatea hobetzeko.

Erakunde horien bien arteko lankidetza 2019ko urritik dator, eta, horrez geroztik, eragin nabarmen positiboa izan du xede dituzten Leioako herritarrengan: umeak, nerabeak eta adineko pertsonak, besteak beste.

David Alday Fidias Fundazioko proiektu arduradunak kontatzen duenez, orain arte eguneko zentroagaz batera garatu dituzten proiektuen ardatza artea izan da, eta, besteak beste, adinekoentzako antzerki- eta dantza-tailerrak antolatu dituzte. Horretaz gain, inguruko musikariakaz kontzertuak ere egiten dituztela azaldu du.

Elkarregaz egiten dituzten proiektuei esker, "hasiera batean hain ezberdinak diren pertsona horiek elkarrengana hurbiltzen dira, elkarri laguntzen diote, eta poztasun eta motibazio handia sortzen da beraiengan, konturatzen baitira guztien ekarpenak baliotsuak direla", adierazi du Fundazioko presidente Isabel Pradasek.

Sonia Robles IMQ Igurcoko gizarte-langilek azpimarratu duenez, "Leioako eguneko zentroko erabiltzaileen ustez, lankidetza oso onuragarria eta beharrezkoa da, horri esker, adineko pertsonek gogoz parte har dezaketelako udalerriko ekintzetan. Gainera, esperientzia eta gaitasunak barra-barra dituztenez, aberastasuna eta belaunaldiartekoek onurak dakartzate, gizarteratu eta motibatzeko ahalmena dutelako".

Erlazionatuak

Fidias Fundazioa, hamar urte gazteen gizarteratzea lantzen

Leioa

Irabazi asmorik gabe eta kolektibo behartsuenei laguntzeko helburuagaz sortuta, Fidias fundazioak hamar urte daramatza gazteen integrazioa eta gara...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun