Lamiakoko jai birtualak barikuan hasiko dira

Maskaradagaz hasi ohi dira Lamiako auzoko jaiak.

Barikutik domekara ospatuko dituzten Lamiako auzoko jai birtualak egitarau oparoagaz datoz. Ospakizunak etxetik egin arren, antolatzaileek hainbat ekintza prestatu dituzte ederto pasatzeko.

Aurten ere ez dugu udako jairik izango, ez ohikoa den formatuan behintzat. Pandemiaren ondorioz, aurten ere bertan behera geratu dira festak, baina beharrak eragiten du asmamena, eta, horregatik, Lamiako auzoko jaiak birtualak izango dira aurten ere.

Horretarako, egitarau oparoa prestatu dute barikutik domekara etxetik ederto pasatzeko. Egunero txupina botako dute egitarauari hasiera emateko, eta, horrez geroztik, hainbat lehiaketa prestatu dituzte sare sozialen bidez. Ekintza guztiak, Facebook eta Instagram sare sozialetatik partekatuko dituzte, Lamiako Jaiak profilean, edo lamiakojaiak@hotmail.es helbidera bidaliz.

Ohitura da jaiak Maskaradagaz hastea, baina ekintza hori ere bertan behera geratu da aurten. Hala ere, antolatzaileek eta Leioako Udalak ospakizun horren historia eta tradizioa biltzen dituen liburua argitaratu, eta argazki erakusketa antolatu dute.

Hau da prestatu duten egitaraua asteburu honetarako:

  • Barikuan, maiatzak 28
    • 16:30 Txupinazoa eta 2021eko Lamiako jai birtualen hasiera.
    • 17:30 Balkoi lehiaketa.
  • Zapatua, maiatzak 29
    • 10:30 Txupinazoa, jai birtualen jarraipena.
    • 11:30-13:00 Marrazketa lehiaketa.
    • 14:00-15:30 Gastronomia lehiaketa.
    • 19:00-20:30 Mozorro lehiaketa.
  • Domeka, maiatzak 30
    • 11:00 Txupinazoa jai birtualen azken egunean.
    • 11:30-13:30 Argazki lehiaketa.
    • 18:00-19:30 Playback lehiaketa.
    • 20:30 Amaierako traka, eta jai birtualen bukaera.
Erlazionatuak

Lamiako Maskarada gogoratzeko liburua eta erakusketa aurkeztu dituzte

Leioa

Aurten ere ezin izango da Lamiako Maskarada egin; baina, leioaztarren artean hain sustraituta dagoen ospakizun hau gogoratzeko, Leioako Udalak Mask...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun