Kartzelan sartuko da duela urte bi 13 urteko adingabe bat bortxatu zuen gizona

Epaiketa egiten ari zirela, Bilboko epaitegi aurrean egindako elkarretaratzea. © ECUADOR ETXEA

Gertakizun larri horren aurrean gaitzespena adierazteko, eta jokabide matxistak gaitzesten dituztela oihukatzeko, zenbait talde feministek elkarretaratzea egingo dute eguaztenean, hilaren 7an, 19:00etan, Leioako bulebarrean.

Duela urte bi bere bikotearen alaba nagusia bortxatzeagatik epaitu zuten Leioako gizona kartzelan sartuko da uztailaren 8an. 2018ko martxoaren 28an salatu zen gertaera horretan, akusatuari egotzi zitzaion bere bikotearen alaba biak zaintzen zituen bitartean 13 urteko nagusiena bortxatu zuela.

Akusatuak gertaera onartu zuen, eta biktimaren kontakizunari eta analisi forentseei esker, Bizkaiko Lurralde Auzitegiko bigarren ataleko epaileak epaia eman zuen, eta gizona kartzelara sartuko da, hurrengo astean. Fiskaltzak 11 urteko kartzela-zigorra eskatu zuen orduan, eta akusazio partikularrak 15.

Gertakizun hori salatzeko, eta "nazka eta indarra" erakusteko, Sutea Leioak, Algortako Bilgune feministak eta Akelarre Santutxuko talde feministak elkarretaratzea deitu dute kartzelatzearen bezperan, uztailaren 7an, Leioako bulebarrean. Deialdia egiteko mezuan zera aldarrikatu dute: "beldurra lekuz aldatuko dugu, edozelako jokabide matxistak gaitzesten dugula oihukatuko dugu".

Erlazionatuak

Gizon bat epaitu dute bikotekidearen 13 urteko alaba bortxatzea egotzita

Getxo

Epaitutako gizonezkoak onartu egin du neskatila sexualki abusatu zuela, baina ukatu egin du penetrazioa egon zenik. Hala ere, Bizkaiko Lurralde Auz...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun