Ertzaintzaren indarkeria salatu dute Marea Urdineko manifestariek Bilboko Itsas Museoaren aurrean egindako elkarretaratzean

Nahia Martinez Gondra 2023ko mai. 9a, 13:42
Deskargatu Info Ahotsak :
es en fr

Gaur, maiatzak 9, Marea Urdinak atzo hasitako mobilizazioakaz jarraitu du lan-hitzarmen duin bat eskatzeko helburuagaz. Horregatik, gaur, Bilboko Itsas Museoaren kanpoaldean elkarretaratzea egin du goizeko 10:00etan; izan ere, bertan topaketa egin dute aniztasun funtzionala duten pertsonek eta Bizkaiko alderdi politikoetako ordezkari ezberdinek. Manifestarien nahia museora sartzea zen, bertan, ironiaz eta kritikaz baliatuz, bingo bat jolasteko eta euren lan-baldintzen egoera ikusarazteko. Ordea, Marea Urdineko kide batek salatu duenez, poliziak ez die eraikinera sartzen utzi eta haien kontra "oldartu" dira: manifestariak bultzatzen hasi dira eta hainbat borra-kolpe eman dizkiete.

Aniztasun funtzionala duten pertsonakaz behar egiten duten Gaude, Gorabide, Madres Mercedarias, Aspace eta Argia Fundazioko langileek osaturiko Marea Urdina deiturikoa goizeko 10:00etatik 13:00etara egon da Bilboko Itsas Museoaren aurrean batuta. Bertan, ekintza batzuen bidez, jasaten dituzten lan-baldintza ezegonkorrak salatu dituzte. Besteak beste, heliozko 100 globo urdinakaz eta "Kulerotan uzten gaituen mafia" lelopean, eraikinaren aurrean aritu dira aniztasun funtzionalaren sektorean diharduten langileentzako hitzarmen duin bat exijitzen.

Halaber, tentsio momentuak bizi dituzte ertzainak "oldarkeriagaz" eraikinerako sarbidea debekatu dienean, eta, horregatik, pentsatuta zuten bingoa Itsas Museoaren kanpoaldean egitea erabaki dute.

Politika Leioa
Erlazionatuak
Marea Urdinak gaur eta biharko mobilizazioak antolatu ditu langileentzako hitzarmen duinak lortzeko asmoz
Marea Urdinak gaur eta biharko mobilizazioak antolatu ditu langileentzako hitzarmen duinak lortzeko asmoz

Nahia Martinez Gondra 2023 mai 08 Leioa

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun