Alvaro Gil Soldevillaren lanak irabazi du Leioako Pintura Azkarraren Lehiaketa

Aurreko maiatzaren 7an, Margolari gazteek eta ez hain gazteek euren trebetasunak erakusteko aukera izan zuten Leioako Pintura Azkarraren Lehiaketan. Urtero legez, parte hartzaileek Leioako hainbat txokoren artean aukeratu behar izan zuten horietako bat margoakaz islatzeko. Epaileek Alvaro Gil Soldevillaren lana aukeratu zuten lehen posturako, baina saridun gehiago egon ziren, hemen dituzue horien artelanak.

Saritutako lanak eta beste lan hautatu batzuk Kultur Leioako erakusketa aretoan egongo dira ikusgai maiatzaren 31tik ekainaren 6ra bitartean. Era berean, ekainaren 8tik 22ra bitartean, saririk jaso ez duten obren jabeek euren lanak berreskuratu ahal izango dituzte.

Hauek izan dira aurtengo Leioako Pintura Azkarraren Lehiaketako irabazleak:

  • 1. Saria: Álvaro Gil Soldevilla.
  • 2. Saria: Yohana Soldevilla Agorreta.
  • 3. Saria: Esther Gutiérrez Cifrián.
  • Harrobia saria: Olivia Artabe Abasolo.
  • Gaztea Saria (18-30 urte): Alex Martín Casey.
  • Leioa saria: José Reyes Ramos.
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun