Leioako Udalak gaur ireki du 2024ko San Juan jaietako kartela aukeratzeko herritarren bozketa-epea, apirilaren 29ra arte, astelehena barne.
Horretarako, kuadrilletako ordezkariak eta kulturaren, diseinuaren eta komunikazioaren munduagaz zerikusia duten pertsonek osatutako epaimahai batek bost kartel finalistak aukeratu ditu lehiaketa honetara aurkeztutako 19 proposamenen artean.
Leioaztarrek behin bakarrik bozkatu ahalko dute gustukoen dituzten hiru kartelei 3, 2 eta 1 puntuazio emanez, Leioako Udalaren kultura webgunearen bidez edo Kultur Leioan, bertan baitaude ikusgai lan finalistak.
Epaimahaien eta hiritarren boto gehien jasotzen dituen kartela 2024ko San Juan jaietako irudia izango da.
