Aurreko edizioetan bezala, Leioako ostalaritzako eta merkataritzako arduradunek prestakuntza jaso dute prebentzioaren arloan eta eraso baten aurrean nola jokatu jakiteko, biktima batek lehen unetik ahalik eta arreta onena jaso dezan. Lokal horiek erraz ezagutzeko moduko bereizgarri morea izango dute, eta gunesegurutzat hartzen dira eta pegatina bategaz egongo dira adierazita.
Udalak iragarri duenez, San Juan jaietako gune morea Boulevarden egongo da, ikurriña dagoen lekuan, ekainaren 20tik 23ra, 23:00etatik 06:00etara. Horietan eta jaiguneetan eragile moroearen rola hartuko duten pertsonak ere egongo dira, eta eramango duten besoko moreari esker identifikatu ahal izango dira.
Horrez gain, laguntzarik behar izatekotan, 112 larrialdietako telefonoa eta 900 840 977 laguntza-zerbitzuko telefonoa dagoela ere gogoratu dute udal-iturriek.