San Bartolome auzoko jai-batzordeko taldeak hainbat urte daramatza jaiak antolatzen, eta gutxi izan arren, urteroko egitarauan gauza berriak txertatzen saiatzen dira. Aurten, abuztuaren 23an, goizean, herri-krosa egingo dute auzotik eta Peruri inguruko baserrietatik, eta, arrastian, Arene 6 taldearen rock kontzertua egongo da Bidean taldearen erromeriaren aurretik.
Horrez gain, tradizio handiko marmitako-lehiaketa ere ez da faltako; aurtengoa 57. txapelketa izango da eta, urtero legez, jendetza hurbilduko dela aurreikusi dute jai-batzordeko kideek. Gainera, egun horretan, lehiaketako platerak dastatzeaz arduratuko diren epaileek umeentzako marmitako masterclass bat ere eskainiko dute. Antolatzaileek azaldu dutenez, jarduera horrek hain arrakasta handia duenez, parte-hartzaileen kopurua mugatu behar izango dute.
Egitaraua:
Abuztuak 22, eguena
- 19:00 Txupinaren jaurtitzea eta jaien hasiera. Ostean, Orkresta elektrotxaranga eta mozorroak.
- 21:00 Sardina-jana.
- 22:30 Erromeria: Nonbait.
Abuztuak 23, barikua
- 11:00 Poteo musikatua txosnetan.
- 11:30 Herri-krosaren hasiera auzoko kaleetatik.
- 13:00 11. Igel-toka Lehiaketa.
- 18:00 Puzgarriak.
- 18:30 Asto-probak.
- 19:30 18. Tortilla Txapelketako izen-ematea.
- 21:00 Tortillen aurkezpena.
- 21:30 Kontzertua: Arene 6.
- 23:00 Erromeria: Bidean.
Abuztuak 24, zapatua
- Goizetik, Etxebarria Aita & Semea trikitilarien doinuak.
- 10:30 Euskal produktuen azoka.
- 11:30 Umeentzako talo-tailerra.
- 12:00 Meza eta ohorezko aurreskua.
- 13:00 Kantu-poteoa.
- 15:00 Herri-bazkaria.
- 19:30 Perurenaren erakustaldia.
- 21:00 Zezen mekanikoa.
- 23:00 Erromeria: Urrats.
Abuztuak 25, domeka
- Zuzterrak taldearen musika goizetik.
- 11:00 57. Marmitako Txapelketa.
- 11:30 Umeentzako marmitako masterclass.
- 13:30 Apar-jaia.
- 13:30 Kazolen aurkezpena.
- 18:00 Sari-banaketa.
- 18:30 Asto-probak.
- 19:00 Zumba.
- 20:30 Txokolatada eta jaien amaiera.