Zerbitzua psikologo espezializatu batek ematen du, eta laguntza emozional indibidualizatua eskaintzen die une zailak bizi dituzten emakumeei, hala nola ondoeza emozionala, zaintzagatik pilatutako gainkarga, dolu-prozesuak, familia-gatazka konplexuak edo genero-indarkeria egoerak, bai oraingoak bai iraganekoak.
Leioako Udaleko arduradunek azpimarratu dutenez, programak gune segurua eta konfidentziala eskaintzen die emakumeei, parte-hartzaileei beren egoera emozionala lantzeko eta bizi-prozesu konplexuei aurre egiteko tresnak emanez. Emakumeen erdiak udaleko beste zerbitzu batzuetatik bideratuta iristen dira, %30 osasun-profesionalen gomendioz, eta gainerakoek beren kabuz egin dute eskaera. Zerbitzu hau Andrak, Zainduz edo Esnatu bezalako udal-programen osagarri ere bada, eta kasu batzuetan zubi-lanetan aritu da, laguntza espezializatuagoa behar zuten egoeretan.
Emakumeak Orekan doakoa da eta aurretiazko hitzorduagaz eskaintzen da: eguaztenetan 15:30etik 19:00etara eta barikuetan 10:30etik 14:00etara. Interesdunek 944 001 917 telefono-zenbakira deitu edo emakumeakorekan@leioa.eus helbidera idatziz eska dezakete hitzordua.
