Leioak gastronomia eta sormena uztartzen dituen hitzordu berezia hartuko du aste-akabuan: Txakomic. Egitasmoaren helburua Bizkaiko Txakolina modu berritzailean sustatzea da, bineten munduagaz eta kalitatezko gastronomigaz bat eginez. Aurten, Galiziako produktuek protagonismo berezia izango dute dastaketa eta sukalde-erakustaldi (showcooking) desberdinetan.
Aste-akabuko plater nagusietako bat zapatuan egingo duten azoka izango da, baina egitarauak dastaketa gidatuak, haurrentzako tailerrak, kontzertu marraztuak eta liburu aurkezpenak ere biltzen ditu.
Egitaraua:
Apirilak 17, barikua
- 19:00 Bizkaiko Txakolina eta Galiziako gazten dastaketa gidatua, Mamen Moreu irudigileak girotuta. (Prezioa: 15euro). Lekua: Mendibile Jauregia.
Apirilak 18, zapatua
- 12:00 – 15:00 / 17:30 – 20:00 ZURRUT! Komiki eta ilustrazio azoka. Lekua: Mendibile Jauregia.
- 12:00 Showcooking-a: Galiziako itsas eta mendi gastronomia eta Bizkaiko Txakolina, Susanna Martin irudigileagaz. (Prezioa: 15euro). Lekua: Mendibile Jauregia.
- 13:00 Kontzertu marraztua: Terra Nai (folk musika) eta Char-lee Mitto (irudigilea). (Doan). Lekua: Mendibile Jauregia.
- 18:00 "Maskarada" umeentzako tailerra (4-12 urte), Ruth Juanegaz. (Prezioa: 6euro). Lekua: Mendibile Jauregia.
- 18:30 “Saltsa Nostra” komiki formatuko lehen euskal sukaldaritza liburuaren aurkezpena eta dastaketa. (Prezioa: 5euro). Lekua: Mendibile Jauregia.
Apirilak 19, domeka
- 12:00 Showcooking-a: "Bizkaitik Galiziara, zaporez betetako bidea", Raisa Alava irudigileagaz. (Prezioa: 15 euro). Lekua: Txakolingunea (Bakio).
- 12:00 "Beirateak" haurrentzako tailerra (4-12 urte), Bea Apariciogaz. (Prezioa: 6 euro). Lekua: Txakolingunea (Bakio).
