Pandemiaren ondorioz ia urte biz geldirik egon ondoren, Lemoizko Etzandarri euskal mendi-taldeak denboraldiari hasiera emango dio domeka honetan, urtarrilaren 23an. Iragarri dutenez, ibilbide oso interesgarria prestatu dute xendazaleentzako: "Prestaturiko ibilbideak Errigoitiko hainbat auzo eta mendi ezagutzeko aukera emango die parte-hartzaileei. Elexalde, Idibaltzaga, Madalen, Zallobante edo Bizkaigane auzoak ezagutzeaz gain, Maiaga eta Bizkaigane mendiak igoko ditugu".
Orain arte, ume eta gaztetxoentzako mendi talde bat zen Etzandarri baina, gogoeta baten ondoren, hemendik aurrera adin mugarik ez du izango eta bere baldintza bakarra euskaraz aritzea baino ez da izango.
Beste aldetik beste berritasun bat ere izango du aurtengo denboraldiak; irteerak bi kategorietan bereiziko dira: xendazaletasuna eta mendizaletasuna, eta, horretaz gain, zailtasun maila bat egokituko zaie.
Maiaga (403 metro) eta Bizkaigane (387 metro) Errigoititik
KATEGORIA: Xendazaletasuna.
ZAILTASUNA: Erreza.
DISTANTZIA: 9 kilometro.
NOIZ: Urtarrilak 23.
NON: Armintzako bus geltokian.
ORDUA: 09:30etan Armintzan. (Errigoitin 10:00etan gutxi gora behera).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
