Hurrengo barikuan, 12:00etan txupinaren jaurtitzeagaz hasiko dituzte festak Andrakan. Momentu horretatik aurrera hainbat jarduera egongo dira herritar guztientzako. Urtero bezala, Herriko Eskolako trikitilarien kaleko animazioa, gastronomia putxera klasikoakaz, Etzandarrik gidatutako mendi-martxa eta umeentzako jarduerak nabarmenduko dira, hala nola puzgarriak eta txokolatada. Musika ere ez da faltako, DJ Norairen eskutik.
Hurrengo aste-akabuan emango diete amaiera 2024ko San Frantzisko jaiei, Kinttopeko Idi Probak sari nagusiagaz.
Egitaraua:
Urriak 4, barikua
- 12:00 Txupinazoa.
- 12:00 Meza Santua.
- 12:30 Hamaiketakoa herriko eskolako trikitilariek alaituta.
Urriak 5, zapatua
- 09:30 Putxera lehiaketako izen-ematea.
- 14:00 Putxeren aurkezpena.
- 16:30 Puzgarriak.
- 17:30 Putxeren sari-banaketa.
- 19:30- Musika festa: DJ Norai.
- 21:30 Txokolatada.
Urriak 6, domeka
- 10:00 Mendi martxa ume eta nagusientzako. Irteera Andrakako probalekuan Etzandarri Mendi Taldekoek gidatuta.
- 12:30 Hamaiketakoa herriko eskolako trikitilariek alaituta.
Urriak 11, 12 eta 14
- 21:00 Kinttopeko Idi Probak Sari Nagusia.