Bi urtez prototipo gisa funtzionatu ondoren, orain Euskadiko itsas energia eolikoaren etorkizuna aurreikusten lagunduko duen ikerketa-laborategi bihurtu da.
Martxan egon den bitartean, haize-sorgailua eusten duen hormigoizko plataformak ondo jasan ditu Kantauri itsasoko baldintza gogorrak; besteak beste, 10 metrotik gorako olatuak. Horregatik, Saitec enpresak Demosath erabiltzen jarraituko du teknologia berrietan aurrera egiteko.
Natura zaintzea xede
Aerosorgailuaren erronketako bat faunan duen eragina murriztea da. Horretarako, Saitecek hegaztiak, arrainak eta saguzarrak denbora errealean identifikatzeko gai diren kamerak eta adimen artifizialeko sistemak txertatu ditu. Gailu horiei esker, ikertzaileek jakin dezakete nola jokatzen duten animaliek aerosorgailutik gertu, eta beraz, haiek babesteko neurriak diseinatu.
Itsas parke eolikoa martxan
Ikerketa honek aurrera jarraitzen duen bitartean, Saitec daborduko Geroa proiektuan lanean hasi da; hots, hamarkada amaierarako aurreikusita dagoen Euskadiko lehen itsas parke eoliko txikian.
Ekimen honi esker, Euskadi itsas-energia berriztagarrien berrikuntzan erreferente bihurtu da, teknologia aurreratuak eta ingurune naturalaren zaintza uztartuz.
