Egitaraua zapatuan, hilaren 14an, abiatuko da Armintzako frontoian egingo duten diskofestagaz. Jaia 17:30ean abiatuko da eta antolatzaileek adin guztietako herritarrak mozorrotuta joatera gonbidatu dituzte. Arratsaldean zehar, gainera, txokolatada handi batez gozatzeko aukera izango dute bertaratzen direnek.
Domekan, otsailaren 15ean, umeentzako jarduerak izango dira protagonistak. 17:30ean hasita, Urizarreko kultur gelan inauterietako tailerra egingo dute, eta bertan mozorroetarako osagarriak sortu eta probatzeko aukera izango dute txikiek. Ez da aldez aurretik izena eman beharko, eta egitasmo horren helburua sormena piztea eta irudimena lantzea izango da, maskara eta pertsonaia ugari sortuz.