Kultura  Plentzia 2019-05-07 09:04

Azoka agroekologikoa egingo dute hirugarrenez Plentzian

Erredakzioa

Txakinarto kontsumo-taldeak azoka agroekologikoa antolatu du maiatzaren 18rako, zapaturako. Hitzordua 11:00etan jarri dute, Plentziako Erribera kalean. Aurtengoa hirugarren edizioa izango da.

Azoka agroekologikoa egingo dute hirugarrenez Plentzian
Azoka agroekologikoa Plentzian, artxiboko irudian. © TXAKINARTO | Ikusi handiago | Argazki originala

Goizeko 11:00etatik hasita, hainbat produktu erosteko azokaz gainera, musika jartzailea, produktuen dastaketa eta pintxoak egongo dira, besteak beste, Plentziako Erribera kalean.

Azokak iraungo duen bitartean, DJ batek musika emanaldia eskainiko du. Hala, 13:00etan Krianza Sound dj set musika jartzen ibiliko da. Gainera, urtero legez, pintxo-lehiaketa egongo da egun osoan zehar inguruko tabernetan.

Txakinarto kontsumo-taldea

Txakinarto kontsumo-taldeak eredu sozial eta ekonomiko jasangarri eta solidarioaren alde egiten du, "ingurugiroa, dibertsitatea eta bertako produktuen alde". Hala, batetik, kalitatezko produktu ekologikoak ipintzen dituzte herritarren eskura; eta, bestetik, eskualdeko ehun ekonomikoa indartu gura dute.

Txakinarto plataforma irekia izateko asmoz sortu da, Plentzia eta inguruko udalerrietan kontsumo-eredu berriak sortu eta sareak sustatzeko, "bizitza sozial eta kulturalean ere gure ekarpena eginez".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa