Plentziako Goñi Portal kultur etxeko igogailua jartzeko lanak amaitu dira. Hala, hura mantentzeko kontratua sinatu ondoren, daborduko martxan dago.
Igogailua jartzeko Eusko Jaurlaritzaren Ingurumen, Lurralde Plangintza eta Etxebizitza Sailaren laguntza jaso du Plentziako Udalak, 16.430,78 eurotakoa, hain zuzen ere.
2001. urtean erosi zuen Udalak 560 metro koadroko baserria, 96.161 euroren truke, eraikina birmoldatuz herritarren kultur-beharrak bertan aseko zirelakoan. Alabaina, mugikortasun urriko pertsonengan ez zuten arretarik jarri, solairu batetik bestera igarotzeko aukerarik ez baitzuten. Orain, arazoa konpondu egin da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
