Koronabirusa Uribe Kostan

Plentziako udako jaiak ere, bertan behera

Plentziako Madalena jaiak, artxiboko irudian.

COVID-19aren krisiak udako beste jai batzuk bertan behera uztea eragin du: Plentziakoak, hain zuzen ere. Hala, aurten ez da Karmen, Madalena, San Antolin, San Kristobal, Saratxaga, San Inazio eta San Nikolaseko ospakizunik egongo hiribilduan. San Joan sua ere ez dute egingo.

Plentziako Udalak ohar bidez jakinarazi duenez, jai-batzordeakaz lankidetzan ibili da alternatibak bilatzeko eta jaiak, "nola edo hala, Plentziako kaleetan presente egon daitezen". Adierazi dutenaren arabera, ospakizunak bertan behera gelditu diren arren, horien datak hurbildu ahala, egoera soziosanitarioak horretarako aukera ematen badu, "betiere agintari eskudunek ezartzen dituzten irizpideak errespetatuz", jarduera edo jaialdiren bat antolatzeko aukera aztertuko dute, "bertaratu ahal izango diren pertsonen segurtasuna uneoro bermatuz".

Udalak aitortu du "zaila" izan dela erabaki hori hartzea: "Badakigu zein garrantzitsuak diren jai hauek, hain enblematikoak, gure nortasunaren adierazgarri direnak eta duten izaera parte-hartzaileagatik bereizten direnak. Hala ere, zentzuzkoena eta arduratsuena da jaiak behera behera uztea. Erabaki gogorra baina zuzena dela uste dugu, denen segurtasuna bermatzeko ezinbestekoa".

Plentziako jai-batzordeak, ildo horretan, azpimarratu du pertsonak eta haien osasuna dela orain lehentasuna: "Koronabirusak sortutako egoera soziosanitarioa ikusita, arduraz jokatzeko unea dela uste dugu. Erabaki zuzena dela uste dugu, eta parerik gabeko jaien alde lan egiten jarraituko dugu".

Erlazionatuak

Getxoko udako jaiak, bertan behera

Getxo

Aurtengo jaiak irailera arte bertan behera uztea erabaki du Getxoko Udalak. COVID-19ak eragindako larrialdi-egoera eta aire librean jarduerak egite...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun