Koronabirusa Uribe Kostan

ETE eta autonomoentzako laguntza bereziak jasotzeko epeak eta baldintzak jakinarazi dituzte

Ekainean onartu zen legez, Plentziako Udalak 150.000 bideratuko ditu "udalerrian establezimenduak dituzten ETEentzako, MIKROETEentzako eta pertsona autonomoentzako laguntza-programa martxan jartzeko, COVIDak 2020an sortutako egoeraren aurrean Plentziako ekonomia suspertzeko asmoarekin". Gaur hasi da eskariak aurkezteko epea, eta hilabete iraungo du. Dirulaguntzak 1.000 eta 3.000 euro bitartekoak izango dira.

Pandemia dela eta azken lau hilabeteetan itxita egon diren edo jarduera asko murriztu dutenei laguntzeko helburua du laguntzak. Eskaerak aurkezteko epea 30 egun naturalekoa izango da, hau da, abuztuaren 13ra arte iraungo du. Aurrez aurre aurkez daitezke, Udaletxeko HAZ erregistroan, edo telematikoki, www.plentzia.eus webguneko tramiteen atalean, “Dirulaguntza, beka, sari eta laguntzak” aukeran.

Honako baldintzak bete beharko dira laguntza jaso ahal izateko, udal-webgunean irakur daitekeenez:

  • Publikoari irekitako gutxienez merkataritza-establezimendu bat izatea Plentzian. Merkataritza-establezimenduak ezin du egon etxebizitza batean.
  • Eskaera bakarra aurkeztu ahal izango da merkataritza-establezimendu bakoitzeko.
  • Martxoaren 14ko 463/2020 Errege Dekretuan xedatutako lokal eta establezimenduen jendaurreko irekiera eteteak eragina izatea garatzen duten jardueran, edo itxialdian zehar garatutako jarduera-maila ohikoa baino txikiagoa izatea.
  • Zerga arloko eta Gizarte Segurantzako betebeharrak beteta izatea.
  • Plentziako Udalarekin zorrik ez izatea.
  • Plentziako Udalak emandako dirulaguntza guzti-guztiak justifikatuta izatea.
  • Dirulaguntza edo laguntza publikoak jasotzeko aukera galarazten duen administrazio-zehapenik edo zehapen penalik ez izatea, ez eta halakoak eskuratzeko ezgaitzen duen legezko galarazpenik.

Udalak gogorarazi duenez, "Plentzian merkataritzako establezimendu bat duten 300 enpresa daude, zeintzuek 705 enplegu zuzen sortzen baitituzte, batez beste 2,5 langile establezimendu bakoitzeko".

Erlazionatuak

Plentziako Udalak 308.000 euro bideratuko ditu udalerriko ekonomia suspertzeko

Plentzia

COVID-19aren pandemiak eragindako krisiari aurre egin eta udalerriko ekonomia suspertzeko 308.000 euroko diru-partida onartu du Plentziako Udalbatz...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun