Koronabirusa Uribe Kostan

Boutique Bahía de Plentzia eta Casa de Marinos hotelak itxi dituzte, behin-behinean

Boutique Bahía de Plentzia eta Casa de Marinos hotelek ateak itxiko dituzte, behin-behinean, langile bik (hotel bakoitzeko bana) COVID-19a detektatzeko PCR proban positibo eman ondoren. Hala jakinarazi dute hotel bietako zuzendaritzek, kutsatutako lagunak enpresa horietako langileak baitira.

Langileek positibo eman ondoren, hotel bietako zuzendaritzek eraikinak ixtea erabaki dute, boluntarioki eta behin-behinean, gainontzeko langileen eta bezeroen segurtasuna bermatzeko. Jakinarazi dutenez, gainera, Osasun Saileko arduradunakaz harremanetan jarri dira eta probak egingo dizkiete gainontzeko langileei. Era berean, hoteletako gune denak desinfektatuko dituzte, "gure bezeroen eta langileen segurtasuna bermatu ahal izateko", azaldu dute.

PCR proba denak negatiboa ematen dutenean eta gune denak desinfektatuta daudenean lokalak berriro irekiko dituztela iragarri dute hotel bietako arduradunek.

Erlazionatuak

Berango eta Erandio ere, eremu gorritik kanpo

Uribe Kosta

Apurka-apurka alarma gorritik ateratzen hasi dira Uribe Kostako udalerriak, intzidentzia-tasa 500etik beherakoa gordeta. Hala, 5.000 biztanletik go...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun