Joan den astean euren borondatez itxi ostean, Boutique Bahía de Plentziako arduradunek iragarri dute bihartik, abuztuak 20, zabalik egongo dela hotela, "egindako osasun-azterketa denen emaitza negatiboa izan baita". Bertako behargin batek positibo eman zuen koronabirusa atzemateko PCR proba batean, abuztuaren 10ean jakinarazi zutenez.
Hotelaren zuzendaritzak gaineratu du kafetegia eta jatetxea desinfektatu dituztela, eta dena prest dutela berriro zabaltzeko, segurtasuna bermatuz. Ordutegia 08:00etatik 01:00etara bitartekoa izango da.
Boutique Bahía de Plentziatik oso hurbil dagoen Casa de Marinos hotela ere itxi zuten joan den astean, arrazoi beragatik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
