Irailean egindako txosten batengatik itxi ditu Udalak Arpillaoko lokalak

Eraikina 90eko hamarkadan eraiki zutenetik nabarmen hondatu dela dio Udalak. © PLENTZIAKO UDALA

Team ingeniaritza-enpresak egindako txostenean eta ondorengo jarraipen-ikuskapenetan ondorioztatu da erabiltzaileen segurtasuna bermatzeko lokalak eta aparkalekua itxi behar zituztela. Elkarteakaz egoerari irtenbide bateratua bilatzeko konpromisoa hartu du Plentziako Udalak.

Arpillaoko aparkalekua eta herriko bost elkarte batzen dituen eraikina 90eko hamarkadan eraiki zuten, baina, ordutik, aparkalekuaren sabaiko asfaltozko oihala hondatuz joan da, eta horrek eraikinean ura sartzea eragin du, eraikineko azpiegitura gutxika narrituz. Hori adierazi du gaur Plentziako Udalak prentsa-ohar baten bitartez; gaineratu du bertako elkarteek jasango dituzten eragozpenen jakitun dela, eta horiek birkokatzeko alternatibak bilatzea lehentasuna dela. Hori dela eta, urtarrilaren 12an elkarteakaz berriro batzartuko direla jakinarazi dute udal arduradunek.

Bitartean, elkarteen haserrea nabarmena da, aurretik ez dutelako inolako jakinarazpenik izan, eta alternatiba bat aurkitu arte beraien jarduera eten behar dutelako. Hori salatzeko asmoz, elkarretaratzea egingo dute domekan, 12:30ean, Ontziola plazan.

 

Erlazionatuak

"Arpillao bizirik" leloaren pean, bateratzea egingo dute domekan

Plentzia

Plentziako Udalak bazekien eraikina bota behar zutela, baina ez die elkarteei ezer esan orain arte. Arazoari konponbide bat bilatzeko asmoz, premia...
Arpillaoko lokalak itxi eta bertako elkarteen jarduera geldiarazi du Udalak

Plentzia

Segurtasun-arrazoiak argudiatuta, Plentziako Udalak Arpillaoko lokalak eta eraikina behin betiko itxi eta bertako jarduerek jarraitzea debekatu du....
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun