Emakume Langileen Nazioarteko Eguna 2021

Emakumeek komikiaren munduan duten lekuaz arituko dira Plentzian

Hitzaldia Goñi Portalean egingo dute zapatuan. © PLENTZIAKO UDALA

Komikiaren munduan emakumeak duen papera ezagutzera emango du Plentzian Teresa Castro marrazkigile, feminista eta LGTB ekintzaileak. Martxoaren 6an, zapatuan, egingo dute hitzaldia Goñi Portalean.

Emakumearen Nazioarteko Egunaren testuinguruan, emakumeak komikiaren munduan duten paperaren inguruko hitzaldia antolatu du Plentziako Udalak; zapatuan, martxoaren 6an, egingo dute. Representación de las mujeres en el cómic y cómics que nos representan izendatu duten ekintzan Teresa Castro marrazkilari, feminista eta LGTBI+ ekintzaileak parte-hartzaileak komiki sortzailearen munduan murgilduko ditu, genero-ikuspegia oinarri hartuta.

Hitzaldia Goñi Portalen izango da, 11:30ean, eta sarrera doakoa izango da, baina aldez aurretik izena ematea beharrezkoa izango da, 671 559 934 telefono zenbakira deituta, martxoaren 4an eta 5ean, 10:00etatik 14:00etara.

Teresa Castro komikien, ilustrazioen, bineten eta zerrenda komikoen bidez emakumeen eta LGTBI+ kolektiboaren eskubideen alde lan egiten duen ARTivista da. Emakumeak eta LGTB+ pertsonak ikusarazteko eta ahalduntzeko proiektuak egiten ditu GKErentzat (Unesco Etxea, Mugen Gainetik eta Gehitu), edo Gramaneteko Santa Coloma eta Valladolideko Udalarentzat istoriotxoak sortuz, besteak beste.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun