Uribe Kostako mugimendu feminista kalera atera da "sistema arrakalatzeko"

Uribe Kosta

Euskal Herriko mugimendu feministak azpimarratu duenez, COVID-19ak askotariko krisiak azaleratu ditu eta eragin zuzena izan du eremu feminizatuetan. "Krisi hau ez zen pandemiarekin hasi, eta Euskal Herriko mugimendu feministan orain ez gara isilik egongo", iragarri zuten martxoaren 8ko zitaren bezperako egunetan. Hala, zaintza publikoa eta komunitarioa aldarrikatzeko, euskal hiriburuetako zein hamaika udalerritako kaleak morez jantzi zituzten atzo; tartean, Erandion, Getxon, Leioan, Sopelan, Plentzian, Gorlizen eta Urdulizen.