Plentziako portuko 204 plazak esleitu dituzte

Plentziako portu berriztuak 204 plaza ditu.

Prozesua hilabetez atzeratu ostean, EKPk Plentziako La Gallarda kirol-portuko plazen esleipendunak iragarri ditu. Iazko urrian hasi zituzten lanakaz portuak ia 40 plaza gehiago irabazi, eta, orain, guztira 204 plaza ditu.

Atzerapenak eragindako polemikaren ostean, EKPk Plentziako portuko plazen esleipena argitaratu du. Portu zaharberrituak dituen 204 plazen esleipendun berrien zerrenda ezagutzera eman dute; orain, atrakalekua egokitu zaienek 20 eguneko epea izango dute beraien itsasontzia bertan lotzeko. Emakida horiek 15 urteko iraupena izango dute, 4 eta 11 metro bitartean dituzten 7. kategoriako itsasontzientzako.

Portua eraberritzeko lanak iazko urrian hasi zituzten. Horretarako, milioi bat euroko aurrekontua baliatu dute, eta lehen zituen 165 plazatik 204ra pastu da.

Esleipen prozesua hasieran aurreikusitakoa baino gehiago luzatu da, Portua kudeatzen duen EKPk azaldu dunez, 500 eskari baino gehiago jaso baitzituzten. Horrez geroztik eskaera bakoitza aztertu behar izan zuten, eta zozketa prozesua ere ahalik eta eraginkorrena egiten saiatu direla ere jakinarazi dute.

Horrek guztiak eta EHAAn argitaratzeko tramiteek prozesua ia hilabete atzeratu du. Horrek erabiltzaileen eta oposizioaren ezinegona sortu du, hala, EH Bilduk azalapenak eskatu zituen Eusko Legebiltzarrean.

Erlazionatuak

Plentziako portuko plazen esleipen-prozesuaren atzerapena Eusko Legebiltzarrera eramango dute

Plentzia

Barne-portuko amarraleku berrien zozketa egin zenetik hilabete bat baino gehiago pasatu da, eta Euskadiko Kirol Portuak erakundeak ez ditu oraindin...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun