Plentziako hondartzan alkohola edaten ari zen pertsona talde bat desegin du bart Ertzaintzak. Iturriek zabaldu dutenez, "tentsiozko uneak" bizi izan dira, eta bildutakoek objektuak bota dizkiete ertzainei.
Ertzaintza goizaldeko 03:30ak aldera bertaratu da Plentziako hondartzara, bertan kale-zurruta egiten ari ziren pertsonei lekutik alde egin behar zutela jakinaraztera, Eusko Jaurlaritzako Segurtasun Sailak azaldu duenez. Izan ere, joan den barikutik indarrean dago 00:00etatik 06:00etara arteko tartean toki publikoetan bizikideak ez diren pertsonak elkartzea debekatzen duen dekretua.
Hala ere, zabaldu dutenez, gazte batzuek objektuak jaurti dizkiete ertzainei, baina ez da aparteko istilurik izan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
