Iaz hasitako egitasmoagaz jarraituz, eukalipto-basoa zen eremua berreskuratzen ari dira Plentziako Herri Lurrak elkarteko kideak. Beste jarduera batzuen artean, Isuskitza mendiko tontorraren inguruan baso jangarri bat ari dira landatzen, Plentziako institutuko ikasleakaz, Udalaren laguntzagaz eta Hazien Sarea elkartearen gidaritza teknikoagaz. Baso jangarriaren lursailean bertako fruta-arbolak landatuko dituzte ingurua berreskuratu eta herritarren gozamenerako.
Plentziako Herri Lurrak elkarteak koordinatuta hainbat sagarrondo landatuko dituzte zapatu honetan, hilak 12, Isuskitza mendiaren tontorraren inguruan, Plentziako herri lurretan, hain zuzen. Egitasmoa ezagutu gura duen orori zabaldu diote gonbidapena auzolan horretan parte hartzeko; 10:00etan jarri dute hitzordua, Plentziako metro-geltokian.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun