Plentziako Udalak eta Edestiaurre Arkeologia Elkarteak antolatutako erakusketak askotariko erreprodukzioak ditu ikusgai, Uribe Kostako historiaurrearen inguruan murgiltzeko eta horren ezagutzan sakontzeko, betiere oinarri zientifikoan oinarrituta, azaldu dutenez.
Historiaurrearen bilakaera modu kronologikoan behatu ahal izango da Plentziako museoan, industria-litikoko lanabesen bidez. Horiek denak eskualdeko aztarnategietan aurkitutako objektuetan oinarrituta egongo dira. Halaber, Euskal Herriko arkeologian erreferentea izan den Jose Miguel Barandiaranen inguruko informazioa ere egongo da. Horrez gainera, Uribe Kostako hiru aztarnategi erreferenteren inguruko nondik norakoak azaltzeko erakustokiak egongo dira, baita horietan aurkitutako piezen erreprodukzioak ere, besteak beste.
Erakusketa maiatzaren 7an inauguratu zuten, eta, urtea amaitu bitartean, doako bisita gidatuak egingo dituzte.
Dagoeneko erreserbatu ditzakezue Uribe Kostako Historiaurrea erakusketa berrirako doako bisita gidatuak! Harremanetarako@museoplentzia.org helbide elektronikoan edo 946773725 telefonoan. pic.twitter.com/n74UPpEil7
— MuseoPlasentiaButrón (@MuseoPlentzia) May 7, 2022
