Plentziako Udala garbiketa-zerbitzuko langileen grebagaz bukatzeko bitartekaritza-lanetan ari da

© PLENTZIAKO UDALA

Plentziako bide garbiketako zerbitzuko langileak greba mugagabean daramate apirilaren hasieratik. Eskatzen dute beraien lan-baldintzak hobetzeko, besteak beste, 2019tik lan-hitzarmena iraungita dutelako. Arazoagaz bukatzeko Udala bitartekaritza-lanak egiten hasi da beharginen eta enpresaren artean.

Plentziako kaleak garbitzeaz arduratzen diren langileen greba bukatzetik hurbilago egon daiteke; izan ere, Udala bitartekaritza-lanetan hasi da irtenbide adostu bat lortzeko, "eta horretan arituko da akordio batera iritsi arte", azpimarratu dute udal-iturriek. Gaineratu dutenez, "greba egiteko arrazoiak esklusiboki langile eta enpresaren artean sortutako barne desadostasunetan oinarritzen dira". Hala ere, udaldia gertu egonda, gobernu-taldea bitartekaritza lanetan hasi da eta, aurreko asteko barikuan, langileakaz elkartu zen; aldiz, gaur, maiatzak 10, Brocoli S.L. enpresako arduradunakaz batuko da.

"Langileak alkateordearekin elkartu ziren aurreko astean, eta honek esan zuen Udalak grebarekin amaitu nahi zuela", azaldu du Esti Redondo ELA sindikatuko ordezkariak. Zentzu horretan, baliteke Udalak diru gehiago bideratzea hurrengo pleguetara, eta horrela arazoagaz amaitzea, "baina oraindik enpresak eta Udalak erabakitzen dutena ikusi behar dugu", zehaztu du Redondok.

Bien bitartean, Eusko Jaurlaritzako Lan eta Enpleguko Sailak ezarritako gutxieneko % 25eko zerbitzuak mantendu ditu. Bestalde, Udalak indarrean dagoen kontratua betetzen dela zainduko duela azpimarratu du.

Erlazionatuak

Plentziako bide garbiketa zerbitzuko langileak greban daude

Plentzia

Hiribilduko kaleak garbitzeaz arduratzen diren beharginak greban daude egun hauetan. Beraien lan-baldintzak hobetzeko exijitu diete Plentziako Udal...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun